Warka Taageerada Muuse Biixi Ay Umuujiyeen Beesha Koonfuta Hargeysa Iyo ...

Hadal Muuse Biixi ka jeediyey Hadhimo u sameeyay Kaadiriinta Beesha Arab...

MUUSE BIIXI OO SI TOOS AH SU'AALO LOO WAYDIINAYO

Waxa Fiican in Wax La Barto Intaan Madax La Noqon...Prof Abdi Ali Jama –

Waxa Fiican in Wax La Barto Intaan Madax La Noqon...Prof Abdi Ali Jama –

Waxa maanta igu kallifay in aan sharxo macnaha dawlad iyo  xukuumad, markaan arkay masuuliyiin u haysta in saamayn ay yeelanayso masuuliyiintii iscasishay.

Horta, xukuumaddu waxay ka kooban tahay Madaxweynaha iyo kaaliyayaashiisa(wasiirada). Haddii madaxweynuhu meesha joogo, xukumaddii way joogtaa, xataa haddii wasiirada dhammaantood xilka laga wada qaado ama ay is wada casilaan. gaar ahaan marka waddanku uu yahay mid madaxtooyo(presedential), sida Somaliland oo kale.

Dawladdu iyadu way ka balladhan tahay xukuumadda waxanay ka kooban tahay garsoorka, sharcidejinta iyo xukuumadda aynu soo sheegnay.

Haddii ay sidaa tahay, maanta waxaan la yaabay sida masuuliyiin waaweyn ay isugu qaldayaan macnaha dawlad iyo xukuumad. Haddaba arrintan maanta dhacday ee is-casilaadda haba yaraatee wax saamayn ah kuma laha xukuumadda iska daa dawladda oo.

Maanta waxan  maqlayay nin wayn oo wasiir ah oo leh, dawladii ayaan u baqanayaa in ay innaga dunto. Markaa waxa fiican in dadku wax bartaan inta aanay madax noqon. – 

www.hajicami.blogspot.com

E-mail: Samater2013@gmail.com

Fb: Abdiasiis Jama Haji Cami

Hargeisa Somaliland

Madaxweyne Siilaanyo Oo Hada Magacaabay Masuuliyiinta Buuxinaya Xilalkii Ay Baneeyeen Masuuliyiintii Is Casilay

Madaxweyne Siilaanyo Oo Hada Magacaabay Masuuliyiinta Buuxinaya Xilalkii Ay Baneeyeen Masuuliyiintii Is Casilay

WAR-SAXAAFADEED

Madaxweynaha Jamhuuriyada Somaliland Mudane Axmed Maxamed Siilaanyo waxa uu digreeto Madaxweyne oo summadeedu tahay JSL/M/XERM/249-3631/102015 Isku bedel iyo magacaabid ku sameeyey golaha wasiirada Somaliland, isagoo buuxiyey qaar ka mida wasaaradihii ay baneeyeen wasiiradii hore iyo Magacaabayna Afhayeen Cusub.

 Madaxweynuhu:-

Markuu Arkay:                Qodobka 90aad, Faqradiisa 2aad ee Dastuurka Jamhuuriyadda Somaliland;

Markuu Tixgeliyey:     Ahmiyadda weyn ay Wasaaraduhu u leeyihiin Dalka iyo dhismaha Qaranka;

Markuu Arkay:               In baahi loo qabo buuxinta jagada Wasiirka Wasaaradda Madaxtooyada Jamhuuriyadda Somaliland;

Markuu Ka Fiirsaday:            Kartidiisa, aqoontiisa iyo hufnaantiisa shaqo;

Markuu Ku Qancay:    In uu hanan karo xilkan loo magacaabay;

Wuxuu go’aansaday

1.          In Mudane, Maxamuud Xaashi Cabdi, laga bilaabo taariikhda maanta uu ahaado Wasiirka Wasaaradda Madaxtooyada Jamhuuriyadda Somaliland(Hore Duulista)

2.          In Mudane, Cali Xasan Maxamed (Cali Mareexaan), laga bilaabo taariikhda maanta uu ahaado Wasiirka Wasaaradda Hawlaha Guud, Guriyeynta iyo Gaadiidka ee Jamhuuriyadda Somaliland (Hore Xildhibaan)

3.               In Mudane, Cali Maxamuud Axmed (Cali Sandulle), laga bilaabo taariikhda maanta uu ahaado Wasiirka Wasaaradda Shaqada iyo Arrimaha Bulshada ee Jamhuuriyadda Somaliland (Hore Wasiiru-dawlihii Arrimaha Nabadaynta ee Gobolada Bariga)

4.           

5.             In Mudane, Cali Xuseen Ismaaciil Jirde (Cali Shoombe), laga bilaabo taariikhda maanta uu ahaado Wasiirka Wasaaradda Qorshaynta Qaranka iyo Horumarinta ee Jamhuuriyadda Somaliland ( Hore Wakiilkii Kenya u fadhiyey Somaliland)

6.           

7.             In Dr. Sacad Cali Shire, laga bilaabo taariikhda maanta uu ahaado Wasiirka Wasaaradda Arrimaha Dibedda iyo Iskaashiga Caalamiga ah ee Jamhuuriyadda Somaliland (Hore Wasiirkii Qorshaynta Qaranka).

8.           

9.               In Mudane, Cismaan Cabdillaahi Saxardiid (Cadaani), laga bilaabo taariikhda maanta uu ahaado Wasiirka Wasaaradda Duulista Hawada ee Jamhuuriyadda Somaliland (Hore Wasiiru-dawlihii Maaliyada).

10.       

11.         In Mudane, Xuseen Aaden Cige (Deyr), laga bilaabo taariikhda maanta uu ahaado Af-hayeenka Madaxtooyada Jamhuuriyadda Somaliland.

www. hajicami.blogspot.com

E-mail: Samater2013@gmail.com

Fb:Abdiasiis Jama Haji Cami

Hargeisa Somaliland

Ajandaha Shir Degdeg ah Oo Xalay Madaxweyne Siilaanyo La Yeeshay Guddoomiyaha KULMIYE Iyo Labada Janan Ee Militariga & Booliska

Ajandaha Shir Degdeg ah Oo Xalay Madaxweyne Siilaanyo La Yeeshay Guddoomiyaha KULMIYE Iyo Labada Janan Ee Militariga & Booliska

Kulanka Waxaa Goob Joog Ka ahaa Guddoomiyaha KULMIYE Iyo Madaxweyne Ku Xigeenka  

 Wuxuu Xil Iga Saaran Yahay Amniga Iyo Degenaanshaha Dalkan, Cid Kasta Oo Ka Tallowda     Khadka Cas Ee Qarankanna Waxaan Ahay Ninka Qoorta Kala Jebinaya”

Hargeysa (Hubaal)- Madaxweynaha Somaliland Md. Axmed Maxamed Maxamuud (Siilaanyo) ayaa xalay cawayskii kulan degdeg ah isugu yeedhay madaxda ugu sarraysa  hay’adaha amniga Somaliland iyo hoggaanka sare ee xisbiga talada haya ee KULMIYE. Kulankan oo ujeedadiisu daarnayd xaallada uu dalku haatan galay waxaa ka qayb galay oo shirku kulmiyey labada janan ee ciidammada Qaranka iyo Buliiska Somaliland Sarreeye Gaas Ismaaciil Maxamed Shaqalle iyo Sarreeye Guuto Cabdillaahi Fadal Iimaan, Madaxweyne ku xigeenka Somaliland Cabdiraxmaan Cabdillaahi ISmaaciil, Guddoomiyaha xibsiga talada haya ee KULMIYE Md. Muuse Biixi Cabdi, Wasiirrada wasaaraddaha gaashaandhiga iyo arrimaha gudaha Axmed Xaaji Cali Cadami iyo Cali Maxamed Waran-cadde. Waxaana la sheegay in shirkaas lagaga wada hadlay arrimaha waqtigan ka taagan dalka iyo hadal haynta iscasillaadii xubnaha wasiirrada ahi kaga tagtay shacbiga, kuwaas oo madaxweynuhu faray in aanay wax saabamayn taban ah ku yeelan geedi socodka nabadeed ee dalka.  Ma jiro war rasmi ah oo ka soo baxay natiijadii shirkaas hase ahaatee goob-joogayaal u dhuun daloola dhaqdhaqaaqa siyaasadeed ee Madaxtooyada ayaa wargeyska HUBAAL u xaqiijiyey  in Madaxweyne Siilaanyo iyo mas’uuliyiintani ay isku weydaarsadeen sida ugu habboon ee loo looga hor tagi karo saamayn taban oo is casilaada xubnahaasi ku yeelan karaan amniga qaranka.

Shirkan oo abbaaro 8:00 cawaysnimo ee saacadda Hargeysa ka qabsoomay qasriga madaxtooyada ayaa ila wareedyadu waxa ay tibaaxeen in uu ka soo dul dhacay guddoomiyaha golaha guurtida oo markii hore aan qayb ka ahayn shirka balse si kedis ah u soo galay madasha,, isagoo kulan waqti qaaban qaatay si gaar ah ula yeeshay madaxweynaha wallow aanay waxa ay ka wada hadleen jirin, haddana wararka ayaa sheegaya in uu Saleebaan-gaal laftiisu u socday arrinta lagu hayay shirka madaxtooyada.

Warku waxaa uu intaa ku darayaa in intii uu socday shirku laysku weydaarsaday aaraa ku taxalluqa dejinta xaalada iyo gogol xaadhka shirka shanaad ee golaha dhexe oo foodda innagu soo haya. Qoddobada wargeyska HUBAAL soo gaadhay in Madaxtooyada  iyo xubanaha kale ee shirka fadhiyey ay isku weydaarsadeen ayaa sheegaya in uu ka mid ahaa qoddob  digniin u diraya wasiirrada is casilay kuwaas oo ajanduhu ku tilmaamay in ay  yihiin kuwo l tallaabooyinka laga fili karo in ay la yimaadaan jawaab u noqda.

Shirkan oo markii dembe layskula qaatay qoddobo tallooyin siinaya madaxweynaha  ayaa ka qayb galayaashu waxa ay ku baaqeen in aan istiqaallada wasiirradani waqti ka lumin geedi socodka shirka iyo hawlaha kale ee qaranka u yaalla, sidaas darteed uu madaxweynuhu dhakhso u buuxiyo jagooyinka ay banneeyeen xubnahaasi.

 Dhinaca kale wasiirka arrimaha gudaha Somaliland Cali Maxamed Warancadde ayaa  xubnaha xukuumadda ka baxay u diray hanjabaad culus oo   tilmaamaysa sida ay xukuumad ahaan uga go’an tahay tallaabada fal celinta ah ee lagu waaji doono dhaqdhaqaaqa  xubnahan  laga fili karo.  Wasiirku waxaa uu  u digay in istiqaalladoodu dhaxalsiiso qaranka xasillooni darro.

 “Anigu qaranka ayaan taabacsanahay oo wasiirkii daakhiliga ayaan ahayoo oo wuxuu xil iga saaran yahay amniga iyo degenaanshaha dalkan, cid kasta oo ka tallowda khadka cas ee qarankanna waxaan ahay ninka qoorta kala jebinaya” sidaa ayuu yidhi WAsiirka wasaarada arrimaha gudaha Somaliland Md. Cali Maxamed Waran-cadde oo shalay mar uu warbaahinta maxalliga ah ugu warramayay magaalada Hargeysa ay wax ka weydiiyeen loollanka KULMIYE ee kala irdheeyey wasiirradii xukuumadda iyo garabka Warancadde ahaan loo tirin karo in uu taabacsan yahay. Su’aashaas oo uu jawaabteeda raaciyey hadal nuxurkiisu  taabanaya waajibka wasiir ahaan laga filayo marka xaalladu dhaafto halka loogu talo galay, waxaanu intaa ku daray “haddii kuwa aan taageersanahay uu yahay iyo haddii kuwa kale uu yahay anigu waxaan ahay ninkaas aan idiin sheegay in uu qoorta kala jebinaya cidda khadka cas dhaafta. Fariinta aan u dirayo garabka iska casilay xukuumadduna waxaa ay tahay run ahaan inaanay jirin cid wadankan nabadgelyadiisa uu uga baqayo in ay wax yeesho, sidaas darteed wax hanjabaad meesha keeni karaaba ma jiro”.

www.hajicami.blogspot.com

E-mail: Samater2013@gmail.com

Fb: Abdiasiis jama Haji Cami

Hargeisa Somalland