Xukuumadda Somaliland Oo Shaacisay
In La Wareejiyay Haamihii Kaydkan Shidaalka Berbera. –
Hargaysa(HWN)Wasiirka wasaaradda ganacsiga
Somaliland, Muuse Qaasim, ayaa maanta rasmi ahaan shaaca uga qaaday in haamaha
keydka shidaalka ee Berbera Oo Muran adag ka taagnaa Baryahan Danbe Si rasmi ah
loo wareejiyay.
Muuse Qaasin ayaa Cadeeyay in Shirkada lagu
wareejiyay ay dhan yihiin lix Shirkadood kuwaas oo gaar loo leeyahay,si
bareefad ahna hawlahooda u wadan doona.
Wasiirka oo war kooban siiyay BBC, wuxuu sheegay in
shirkadahan lixda ah oo horeba u keeni jiray shidaalka Somaliland, ay
wasaaradda ganacsigu ka kireysay haamaha shidaalka ee Berbera muddo labaatan
sano ah.
Wuxuu sheegay in wasaaradu yeelaneyso awoodda kantaroolka iyo hubinta
tayada shidaalka soo gelaya dalka. Faah-faahi kale ma bixin wasiirka ganacsigu.
Xafladda shalay ka dhacday magaalada Berbera ee
keydka haamaha shidaalka lagu wareejinaayay ganacsatada, ayaa loo diiday
saxaafadda, waxaana magaalada Berbera la geeyay ciidan dheeraad ah.
Sida laga warqabo, hore, ayaa baarllamaanka
Somaliland cod aqlabiyad ah ku diiday in haamaha keydka shidaalka ee Berbera
lagu wareejiyo ganacsato gaar ah, oo aan tartan furan u soo marin.
Dadka Deegaanka ayaa ka biyo diiday wareejinta
Haamaha Shidaalka Berbera,Balse xukuumada iyo masuuliyiinta Deegaankasi ka Soo
jeedaa Dhagba Jalaq umaysiin.
E-mail: Samater2013@gmail.com
Fb: Abdiasiis jama Haji Cami
Hargeisa Somaliland.
No comments:
Post a Comment