Diyaarado joog hoose ku duulaya oo
Cabsi galiyey Dadka iyo Duunyada ku dhaqan deegaan ka tirsan Awdal
Qulujeed(Aftahannews):-
Deegaannada gobolka Awdal ee ku teedsan Xadka u dhexeeya dalalka Somaliland iyo
Itoobiya, ayaa lagu arkay labadii gelin ee Jimcihii Maanta Diyaarado joog hoose
ku duulaya oo ku dul-wareegayey dhulkaas, kuwaasoo loo maleynayo inay leeyihiin
Ciidammada dawladda Itoobiya, kuwaasoo dadka cabsi galiyey sida ay Aftahannews
u xaqiijiyeen dadka deegaanka qaarkood.
Diyaaradahan oo ah
diyaaradaha qummaatiga u kaca ee loo yaqaanno Helikobtar’s-ka ee ay Ciidammadu
adeegsadaan, ayaa labadii gelin ee shalay iyaga oo joog hoose ku duulaya dul
heehaabayey deegaannada ku teedsan Xadka u dhexeeya Somaliland iyo Itoobiya,
gaar ahaan deegaannada ku dhaw degmada Qul-ujeed ee gobolka Awdal.
Dad ku sugan
deegaanka Qul-ujeed, ayaa caawa Aftahannews u sheegay in laba Helikobtar oo
kuwa Ciidammada ahi ay gelinkii hore ee Jimcaha maanta kaga yimaaddeen dhanka
Galbeed ee Xuduudka Itoobiya, isla markaana gelinkii dambe ee isla maanta mar
kale soo dul-mareen. Waxay intaas ku dareen in diyaaradahaas oo aanay
ujeeddadooda fahmini argaggax iyo cabsi geliyeen Dadka iyo Duunyada ku dhaqan
deegaannadaas.
Dhaqdhaqaaqa
diyaaradahan ayaa ku soo beegmaya toddobaado ka dib heshiis dhanka ammaanka ah
oo ay kala saxeexdeen dawladda Federaalka Itoobiya iyo Somaliland, kaasi oo
salka ku haya in Itoobiya wax ka qabato Jabhadda Suldaan Wabar ee
dhaqdhaqaaqyada ammaan daro ka wadda gobolka Awdal. Waxaana loo maleynayaa in
dawladda Itoobiya bilaabayso tallaabooyinka ay wax kaga qabanayso kooxda
Suldaan Wabar.
E-mail: Samater2013@gmail.com
Fb: Abdiasiis jama
Haji Cami
Hargeisa
Somaliland
No comments:
Post a Comment